دليلك الكامل لاختيار طقم حلل المطبخ المثالي. الفرق بين طقم الحلل الستانلس و الألومنيوم و الجرانيت من حيث عدد القطع المناسبة و الضمان و نصائح من أواني الأهرام

عارفة ليه اختيار طقم حلل المطبخ الجديد قرار مش سهل ؟!

• اختيار طقم حلل المطبخ من أهم القرارات اللي بتقابلك ، سواء كنتي عروسة بتجهزي بيتك لأول مرة أو ستب بيت بتفكري تجددي أواني المطبخ بتاعك. طقم الحلل اللي حتاخديه مش مجرد منتج بتشتريه ، ده استثمار لازم يعيش معاكي خمس سنين علي الأقل.

• احنا في الأهرام جايين النهارده نوضحلك كل اللي محتاجه تعرفيه قبل ما تختاري طقم الحلل اللي يناسب مطبخك و احتياجاتك و قبل كل دا ميزانيتك.

خامة طقم الحلل : أول و أهم قرار

• الخامة هي اللي بتحدد عمر طقم الحلل و جودة الطبخ بتاعك. و في 3 خامات أساسية بتقابليها في السوق المصري ، و كل واحدة ليها مميزاتها.

طقم حلل الألومنيوم الأبيض – للاستخدام اليومي: لو انتي ناوية تطبخي كل يوم يبقي طقم الحلل الألومنيوم الأبيض هو الإختيار المثالي .. عارفه ليه ؟

1. الألومنيوم وزنه أخف – يعني حتلاقيه فيه الراحة و الشغل التقيل

2. توزيع الحرارة فيه أسرع. تسوية متساوية في كل جوانب الحلل.

3. السعر أقل من الستانلس و الجرانيت – اقتصادي علي ميزانيتك.

 و بكده نقدر نقول ان الأواني الألومنيوم هي الأنسب للإستخدام اليومي في المطبخ المصري.

و الأهرام بترشح لك من اطقم الحلل الألومنيوم :

·       طقم حلة واير كات ألومنيوم كلاسيك 10 قطع (16/18/20/24/28)

https://alahramcookware.com/shop/alahram-cookware/pot-sets/aluminum-pot-set-classic-10-pcs-16-18-20-24-28-half-satin-finish/

·       طقم حلة صحي و مفيد ألومنيوم كلاسيك 10 قطع (16/18/20/24/28)

https://alahramcookware.com/shop/alahram-cookware/pot-sets/aluminum-pot-set-classic-10-pcs-16-18-20-24-28-mirror-finish/

طقم حلل الستانلس ستيل– الأقوي و الأطول عمرا

اطقم حلل الستانلس هي اللي انتي محتاجة لها لو بتدوري علي طقم يفضل معاكي العمر كله لأنه الأقوي و الأكثر تحملا. و دا السبب اللي بيخلي المصانع المصرية بتقدم ضمان  علي منتجاتها من الاستانلس ستيل بتدأ من 5 سنوات لحد 25 سنة ضمان.

الستانلس ستيل هو الاختيار المثالي لو بتفكري علي المدي الطويل ، خصوصا لو هتجهزي مطبخ العروسة. الست المصرية اللي بتختاره بتختاره مرة واحدة في العمر.

و الأهرام بترشح لك من اطقم الحلل الستانلس ستيل :

طقم حلة ستانلس ستيل سيجنتشر ستايل ترنتو 10قطع (18/20/22/24/30)

https://alahramcookware.com/shop/alahram-cookware/pot-sets/signature-style-stainless-steel-pot-trento-set-10-pcs-18-20-22-24-30/

طقم حلل الجرانيت – مانعة للالتصاق

اطقم الحلل الجرانيت هي عبارة عن اواني الومنيوم اتطلت بطبقة مانعة للالتصاق و عشان كده احنا في الأهرام دايما نقول من زمان : جرانيت الأهرام يعني الأكل ما يلزقش فيها.

مميزات طقم الحلل الجرانيت اللي حتفرق معاكي:

• بتوفر كمية الزيت في أكلك بشكل ملحوظ.

• الجرانيت ميزته انه بيسهل عليكي غسيل المواعين اللي يعتبر صداع كبير لأي ست بيت.

• سهولة الإستخدام حتي لو انتي مش متعودة علي الطبخ

و الأهرام بترشح لك من اطقم الحلل الجرانيت :

طقم الأهرام هوم ميني برايم جرانيت 16 قطعة

https://alahramcookware.com/shop/alahram-home/cookware/al-ahram-home-mini-prime-granite-set-16-pcs/?attribute_pa_%25d8%25a7%25d9%2584%25d9%2584%25d9%2588%25d9%2586=%25d8%25a8%25d9%258a%25d8%25ac

عدد القطع : هو كل ما زاد كان أحسن ؟

الإجابة المختصرة : لاء ما زاد مش معناه أحسن – معناه ان في قطع من طقم الحلل هتفضل في الدولاب طول عمرها.

عدد القطع المناسب بيتراوح بين 12 و 18 قطعة و برضه لازم تحطي في حساباتك ان في الثقافة المصرية لازم يكون في عزومات خصوصا في اول الجواز و انتي لسه عروسة جديدة. عشان كده الأهرام بتنصحك لازم يكون عندك مقاسات حلل كبيرة

·       اختاري حلة أو اتنين بالكتير مقاس كبير (30-32) سم.

·       يفضل الحلل الكبيرة تكون الومنيوم او ستانلس ستيل مش جرانيت.

·       الإستخدامات للحلل الكبيرة بتكون شاقة لازم تبعدي عن الجرانيت عشان ممكن جدا يتجرحوا مع الإستخدام الشاق.

اطقم الحلل ما بين 10 و 12 قطعة في الغالب بتكون شاملة علي 3 أو 4 حلل مقاسات متدرجة من الصغير للوسط للكبير مع مقلاية أو اتنين و صينية فرن. و دا طقم متكامل لأغلب احتياجاتك اليومية.

القاعدة الذهبية : اختاري الطقم بناء علي المنتجات اللي فعلا حتستخدميها … مش اللي حتفضل في الدولاب.

الأيادي و المقابض و الغطيان في أطقم الحلل

·       الأيادي و المقابض من التفاصيل الصغيرة اللي بتفرق في تجربة الاستخدام ، و الأهرام بتنصح إنك تركزي فيها قبل الشراء عشان و انتي بتختاري تبقي عارفة احتياجاتك و استخداماتك.

الأيادي الستانلس:

منتجات الألومنيوم الأبيض و الستانلس ستيل بيجوا بأيادي ستانلس. ده بيمنحها قوة و صلابة و عمر أطول للمنتج.

بس خدي بالك : الأيد الستانلس بتاخد حرارة المنتج ، فلازم وقت الاستخدام يكون معاكي جوانتي أو قطعة قماش عشان ايدك. و طبعا حتلاقي في الأهرام تشكيلة متنوعة من الجوانتي و فوط المطبخ اللي تمنحك تحكم كامل عند الإمساك بالأيادي و المقابض المصنوعة من الاستانلس.

الأيادي البكاليت:

لو بصينا في السوق علي اطقم الحلل الجرانيت او الأواني الجرانيت بشكل عام حنلاقي ان الأيادي بتكون من البكاليت و بتكون ملونة في الغالب بنفس لون المنتج و في منها بيكون سوفت تاتش كمان عشان يمنحك ملمس ناعم و مريح غير الشكل الجميل في مطبخك.

ميزة اليد البكاليت أنها بتفضل باردة و الحرارة لا تنتقل لها أثناء الطهي ، يعني المنتج بيكون ساخن لكن اليد بتكون باردة و لكن طبعا دا عشان يحصل له شروط:

• النار لازم تكون متوسطة مش عالية لأن اليد البكاليت معرضة للحرق لو وصل لها نار مباشرة.

• اليد البكاليت معرضة للكسر بعكس اليد الاستانلس عشان كده لازم تكون حذرة عند استخدامها.

غطا الأواني

الغطا في اطقم الحلل بيكون استانلس او ألومنيوم أو زجاج و دا بشكل عام و لكن في مصر فالست المصرية بتفضل الغطا يكون ستانلس او ألومنيوم مع أطقم الحلل اللي هي بتشتريها سواء اطقم حلل الومنيوم او اطقم حلل ستانلس او اطقم حلل جرانيت و بتخاف من الغطا الزجاج لأنه معرض للكسر و دا لو حصل فمعناه ان الحلة باظت و فقدت ميزة مهمة جا لها و هي عدم وجود غطا مناسب لها لأن الحلة لازم لها غطا زي ما المثل الشعبي بيقول.

ميزانية شراء طقم الحلل: إزاي تختاري بضمان؟

دي بقي أهم نقطة و هي نقطة الفلوس و الميزانية المتاحة معاكي لشراء طقم حلل فلازم تتأكدي من حاجتين:

·       الشركة المصنعة لازم يكون لها سمعة طيبة و طبعا لازم تكون بتقدم لك ضمان علي طقم الحلل اللي انتي عاوزه تشتريه. و احنا في الأهرام بنقدم لعملاؤنا علي الويب سايت هنا لينك مخصوص لتسجيل بيانات اطقم الحلل الاستانلس و اطقم حلل الجرانيت و اطقم حلل الألومنيوم اللي من انتاجنا عشان تفعلي الضمان بتاعهم من غير ما تشيلي هم ان الفاتورة تضيع منك خصوصا لو عروسة و لسه مش حتستخدمي الطقم دلوقتي.

·       لازم تتاكدي من ان الطقم اللي حتشتريه متجرب من عملاء حقيقين مش من ناس مدفوع لها فلوس عشان تطلع تقول ان طقم الحلل دا حلو ، مفيهاش حاجة لو دخلتي علي جروبات تسألي علي اسم الطقم او الشركة اللي انتي قررتي تشتري منها و شوفي أراء الستات في طقم الحلل اللي انتي نفسك تشتريه.

علي عكس ما تتوقعي السعر الرخيص مش دايما ميزة لأن في عوامل كتير بتحدد السعر زي مثلا جودة الخامة المستخدمة لأن دي صحة أسرتك ما ينفعش تستخدمي خامات رديئة و انتي حتطبخي فيها كل يوم لأن كده انتي بتعرضي صحة أسرتك للخطر. و السعر الرخيص ممكن كمان عشان مفيش ضمان حقيقي علي المنتج.

و احنا في الأهرام دايما بننصح بالمنتج المصري و دا مش كلام تسويق لكن لأن حقيقي المنتج المصري بيكون مضمون لو ظهر فيه أي عيب. بعكس المنتج المستورد اللي ملوش ضمان و محدش عارف اتصنع ازاي و فين. عشان كده المنتج المصري بيضمن لك فلوسك و صحة أسرتك.

الخلاصة : إزاي تختاري طقم الحلل اللي يناسبك؟

اختيار طقم الحلل بيتحدد ب 3 عوامل:

·       نوع الأكل اللي بتعمليه يوميا.

·       ذوقك في الألوان و الشكل اللي يليق علي مطبخك.

·       الميزانية اللي انتي قررتي تحطيها طقم الحلل بتاعك.

احنا في الأهرام بنوفر لك أطقم حلل جرانيت و اطقم حلل ستانلس و اطقم حلل ألومنيوم و كل الأطقم عليها ضمان الأهرام و كمان تقدري تسجلي طقم الحلل اللي اشترتيه من الأهرام علي الويب سايت بتاعنا حتي لو اشترتيه من أي موزع غير محلات الأهرام هوم. يبقي كده كل اللي عليكي انك تختاري الطقم اللي عجبك او ادخلي علي صفحتنا علي الفيسبوك و فريق خبراء الأهرام حيساعدك و يختار معاكي الطقم المناسب لذوقك و ميزانيتك.

أسئلة شائعة عن أطقم الحلل Q&A

ايه أحسن طقم حلل للعروسة ؟

الأهرام بتنصح العروسة بطقم حلل من 12 إلي 18 قطعة ، يجمع بين الألومنيوم الأبيض للإستخدام اليومي و الستانلس ستيل للحلل الكبيرة و العزومات و الجرانيت للإكلات السريعة و التسخين.

الفرق بين طقم حلل الستانلس و الألومنيوم إيه ؟

طقم الحلل الاستانلس ستيل أقوي و أطول عمرا (ضمان بيوصل ل 25 سنة) ضد عيوب الصناعة بس سعره طبعا أغلي و زنه اتقل بس ابطأ في توصيل الحرارة. طقم الحلل الألومنيوم وزنه أخف سعره أقل و بيوزع الحرارة أسرع بكتير و أنسب للإستخدام اليومي.

طقم الحلل بيعيش كام سنة؟

طقم الحلل الألومنيوم أو الجرانيت بيعيش في حدود 5 سنوات لو التزمتي بتعليمات الإستخدام اللي بتكون مرفقة مع طقم الحلل الألومنيوم أو الجرانيت. لكن طقم الحلل الستانلس ستيل لو من شركة مضمونة ممكن الطقم يعيش معاكي 25 سنة.

هل طقم الجرانيت امن و صحي ؟

ايوه طبعا طقم حلل الجرانيت امن و صحي طالما اشترتيه من شركة انتي واثقة فيها و متجربة و ميزة الطبقة المانعة للإلتصاق انها بتقلل استخدام الزيت و بتمنحك سهولة في تنـظيف المنتج.

ايه أحسن مقاس لطقم الحلل المناسب للأسرة المصرية ؟

عدد القطع المناسب في طقم الحلل للأسرة المصرية ما بين 12 قطعة و 18 قطعة و طبعا ما ننساش المقاسات الكبيرة اللي بننصح انها تكون من الاستانلس ستيل عشان العزومات (30-32 سم).

ايه أسعار أطقم الحلل في مصر ؟

أسعار أطقم الحلل في مصر متفاوتة بشكل كبير نظرا لعدد القطع في كل طقم و حسب نوع الخامة المستخدمة و أيضا حسب الماركة و بلد الصنع و لكن خلينا نقول ان مبلغ ما بين 10 الاف و 15 الف جنيه يقدروا يوفروا لك أطقم مناسبة جدا من حيث الجودة و بلد الصنع و الخامة المستخدمة.